Powered By Blogger

Tuesday, November 17, 2026

രാഷ്ട്രീയ അഴിമതിയും നിയമ വ്യവസ്ഥയുടെ മെല്ലെപ്പോക്കും

രാഷ്ട്രീയ അഴിമതിയും നിയമവ്യവസ്ഥയുടെ മെല്ലെപ്പോക്കും
​
​പ്രമുഖ രാഷ്ട്രീയ നേതാക്കൾ ഉൾപ്പെടുന്ന അഴിമതിക്കേസുകൾ കേരളത്തിൽ മാസങ്ങളോ വർഷങ്ങളോ നീണ്ടുപോകുകയും ഒടുവിൽ വിചാരണപോലും പൂർത്തിയാകാതെ വിസ്മരിക്കപ്പെടുകയും ചെയ്യുന്ന പ്രവണത കേരളീയ സമൂഹത്തിൽ ഗൗരവമേറിയ ചർച്ചയാകേണ്ടതുണ്ട്. ലയണൽ മെസി പങ്കെടുത്ത പരിപാടിയുമായി ബന്ധപ്പെട്ട തട്ടിപ്പ് കേസായാലും, മറ്റ് ഉയർന്ന രാഷ്ട്രീയ നേതാക്കളുടെ പേരിലുള്ള മാസപ്പടി വിവാദങ്ങളായാലും, ഇത്തരം കേസുകൾക്കൊടുവിൽ നീതി നടപ്പിലാകുന്നുണ്ടോ എന്നത് സംശയകരമാണ്. രാഷ്ട്രീയ സ്വാധീനങ്ങളും നിയമപരമായ നൂലാമാലകളും ഉപയോഗിച്ച് വിചാരണ അനന്തമായി നീട്ടിക്കൊണ്ടുപോകുന്നതാണ് നമ്മുടെ നാട്ടിലെ രീതി.
​സാധാരണക്കാർക്ക് ബാധകമായ നിയമം ഉന്നതർക്ക് മുന്നിൽ വഴിമാറുന്നത് ജനാധിപത്യ സംവിധാനത്തോടുള്ള വെല്ലുവിളിയാണ്. അഴിമതിക്കേസുകൾ കൃത്യസമയത്ത് അന്വേഷിച്ച്, തെളിവുകളുടെ അടിസ്ഥാനത്തിൽ വേഗത്തിൽ വിചാരണ പൂർത്തിയാക്കി കുറ്റക്കാർക്ക് ശിക്ഷ ഉറപ്പാക്കാൻ നീതിന്യായ വ്യവസ്ഥയും അന്വേഷണ ഏജൻസികളും കർശന നടപടികൾ സ്വീകരിക്കണം. എങ്കിൽ മാത്രമേ നിയമവ്യവസ്ഥയിലുള്ള ജനങ്ങളുടെ വിശ്വാസം നിലനിർത്താൻ കഴിയൂ.
​- കെ എ സോളമൻ

No comments:

About Me

My photo
Alappuzha, Kerala, India
Powered By Blogger

Blog Archive